ထိုင်းအခွင့်ထူးခံဗီဇာ စိန်အဆင့်အဖွဲ့ဝင်မှု

ဖိတ်ကြားမှုမှတစ်ဆင့် နှစ် (၂၀) သက်တမ်းရှိ အဖွဲ့ဝင်ပက်ကေ့ခ်ျများကိုယခုရရှိနိုင်ပြီဖြစ်သဖြင့် စိန်အဆင့်အဖွဲ့ဝင်မှု Diamond Membership သည်လျှောက်ထားသူများအတွက် အနီးစပ်ဆုံးနှင့် သက်တမ်းအကြာဆုံးရှိနိုင်သည့် အဖွဲ့ဝင်မှုအမျိုးအစားတစ်ခုဖြစ်ပါသည်။

Thailand Privilege အဖွဲ့ဝင်မှုအမျိုးအစားများကိုစတင်လိုက်ခြင်းကြောင့် (၁၅)နှစ်သက်တမ်းရှိသည့် Diamond ပက်ကေ့ခ်ျများမှတဆင့် ထိုင်းနိုင်ငံအတွင်း (၁၅)နှစ်တာနေထိုင်ခွင့်ရရှိပါမည်။ ဤအဖွဲ့ဝင်မှုအမျိုးအစားသည် ထိုင်းဘတ်ငွေ ၂၅သိန်း ကျသင့်မည်ဖြစ်ပြီး အခွင့်ထူးခံရမှတ်ပေါင်း ၅၅မှတ်ကိုလည်း ယခင်Thailand Elite ဗီဇာများနေရာတွင် အစားထိုးဝင်ရောက်လာသော ကောင်းမွန်လှသည့်အခွင့်အရေးအဖြစ်ရရှိကြမည်ဖြစ်ပါသည်။

အဖွင့်ဗီဇာထက်ပိုသာသည့်အပြင် ဤအဖွဲ့ဝင်အမျိုးအစားတွင်ရရှိနိုင်သည့်အကျိုးခံစားခွင့်များသည် ပေးရသည့်တန်ဖိုးနှင့်ထိုက်တန်ပါသည်။ ယခင်နှင့်ယခုပက်ကေ့ခ်ျများကိုနှိုင်းယှဉ်ရာတွင် DIAMOND စိန်အဆင့်အဖွဲ့ဝင်မှုသည် အဖွဲ့ဝင်များအား အကြီးမားဆုံးသောသီးသန့်အကျိုးခံစားခွင့်များနှင့် ဘဝနေထိုင်မှုအရည်အသွေးကောင်းမွန်ရေးတို့ကိုဆောင်ကျဉ်းပေးပါသည်။ Thailand Elite ပက်ကေ့ခ်ျများတွင်မပါရှိသော အခွင့်ထူးခံရမှတ်စနစ်ကိုလည်း Thailand Privilege ယန္တရားနှင့်အတူမိတ်ဆက်လိုက်ပြီး အသုံးပြုလိုသော အခွင့်ထူးခံစားမှုများကိုဆန္ဒရှိသလိုပို၍လွတ်လပ်စွာရွေးချယ်နိုင်ခွင့်ရှိလာပါသည်။ အဖွဲ့ဝင်များ၏ ရမှတ်ပေါင်း (၅၅)မှတ်ဖြင့် အကျိုးခံစားခွင့်များကို မိမိတို့ဆန္ဒရှိသလိုအသုံးပြုနိုင်မည်ဖြစ်ပါသည်။

ထိုင်းဘတ်ငွေ ၁၅ သိန်းဖြင့် မိသားစုဝင်များကိုလည်းအဖွဲ့ဝင်အဖြစ်သို့ပေါင်းထည့်နိုင်သဖြင့် မူလလျှောက်ထားသူများရရှိသော သီးသန့်အကျိုးခံစားခွင့်များနှင့်အခွင့်ထူးများအတိုင်း ခံစားနိုင်ခွင့်ရှိပါသည်။

Thailand Privilege အဖွဲ့ဝင်မှုများကို ခရီးသွားဗီဇာအစီအစဉ်တစ်ခုအဖြစ်သာလျှင်သတ်မှတ်ထားဆဲဖြစ်ပါသည်။ ထို့ကြောင့်လျောက်ထားသူများသည် ထိုင်းနိုင်ငံအတွင်း၌အလုပ်လုပ်ကိုင်နိုင်ခြင်းနှင့် အလုပ်လုပ်ခွင့်ဗီဇာများလျှောက်ထားနိုင်ခြင်းသည်မရှိပါ။ ဤသို့ကန့်သတ်ချက်ရှိထားသော်လည်း အဖွဲ့ဝင်များသည် အနည်းဆုံး (၁၅)နှစ်တာကာလလေယာဉ်ခရီးဖြင့် ထိုင်းနိုင်ငံ၏ပြည်တွင်းနှင့်ပြည်ပသို့ အချိန်မရွေးခရီးသွားလာသော်လည်း ၎င်းတို့၏ဗီဇာမှာတရားဝင်လျက်ရှိမည်ဖြစ်ပါသည်။ ထိုင်းနိုင်ငံအတွင်းခရီးသွားခြင်း၊ လှုပ်ရှားမှုများအားလုံးတွင်ပါဝင်ဆောင်ရွက်ခြင်း၊ ဗီဇာများနှင့် ထိုင်းနိုင်ငံမှကမ်းလှမ်းသောဝန်ဆောင်မှုများစွာတို့အတွက်ဖြစ်စေ၊ နေထိုင်စရာတစ်ခုနှင့် ခရီးသွားများသွားရောက်စရာနေရာတစ်ခုအဖြစ်သတ်မှတ်၍ဖြစ်စေ Thailand Privilege အဖွဲ့ဝင်မှုသည် သင့်အနေဖြင့် ရင်းနှီးမြှုပ်နှံရန်ကောင်းစွာထိုက်တန်ပါသည်။

Diamond Membership စိန်အဆင့်အဖွဲ့ဝင်မှုပက်ကေ့ခ်ျကို ယေဘုယျအကျဉ်းချုံ့တင်ပြခြင်း

သက်တမ်း ။။ (၁၅) နှစ်
ကျသင့်ငွေ ။။ ထိုင်းဘတ် (၂၅)သိန်း (အမေရိကန်ဒေါ်လာ ၄၁၅၀၀ နီးပါး)
မိသားစုဝင်များအတွက် ထပ်ပေးရမည့်ကျသင့်ငွေ ။။ ထိုင်းဘတ်ငွေ (၁၅) သိန်း (အမေရိကန်ဒေါ်လာ ၄၁၅၀၀ နီးပါး)
အခွင့်ထူးခံရမှတ်များ ။။ တစ်နှစ်လျှင် (၅၅)မှတ်
အဖွဲ့ဝင်များရရှိမည့်အကျိုးခံစားခွင့်များ ။။

အနည်းဆုံး (၅)နှစ်တာသက်တမ်းရှိပြီး အသစ်ထပ်လုပ်နိုင်သော အကြိမ်ကြိမ်ပြည်ဝင်ခွင့်ရသော ဗီဇာ(၃)ခု
ထိုင်းနိုင်ငံအတွင်းသို့တစ်ကြိမ်ဝင်ရောက်ပြီးလျှင် တစ်နှစ်အထိနေထိုင်ခွင့် (ဗီဇာသက်တမ်းတိုးခွင့်ရှိ)
Premium Lane မှတစ်ဆင့် မြန်ဆန်သော လဝကဝန်ဆောင်မှုကို အကန့်အသက်မရှိရရှိခြင်း။
Elite Personal Assistant (EPA) ဝန်ဆောင်မှုကိုအကန့်အသတ်မရှိရရှိခြင်း။
ငွေကြေးဆိုင်ရာအကြံပေးကဏ္ဍများနှင့် ဆွေးနွေးပွဲများ
နှစ်စဉ်ကျန်းမာရေးစစ်ဆေးမှုများ အဖွဲ့ဝင်သက်တမ်းအတွင်း တစ်ကြိမ်ရရှိနိုင်ခွင့်
Premium Lounge၊ ကားပါကင်နေရာ အခွင့်ထူးများ နှင့် ဈေးဝယ်ထွက်အကူဝန်ဆောင်မှု (ရက်ချိန်းကြိုယူထားရန်)
မွေးနေ့လက်ဆောင်များ
ယာဉ်မတော်တဆမူအတွက် သီးသန့်အာမခံအစီအစဉ် Personal Accident Insurance (PAI) (အဖွဲ့ဝင်ခွင့်ရသည့် ပထမဆုံးနှစ် ရက်ပေါင်း(၃၆၅)ရက်အတွင်းသာလျှင်)
Anantara Vacation Club တွင်တစ်ညတာအခမဲ့တည်းခိုခြင်း (အဖွဲ့ဝင်မှု၏ပထမနှစ်အတွင်းသာလျှင်)
သီးသန့်အလုပ်လုပ်ရန်နေရာများကို (၄)ကြိမ်အသုံးပြုနိုင်ခွင့်
ထိပ်တန်းစားသောက်ဆိုင်၊ အဆင့်မြင့်စတိုးဆိုင်နှင့် ဆိုင်ခွဲများတွင်လည်းလျှော့စျေးများရရှိနိုင်ခြင်း။
(ထိုင်းနိုင်ငံအတွင်း ရုပ်ရှင်လက်မှတ်တစ်စောင်ဝယ်လျှင်၊ တစောင်အခမဲ့ အကြိမ်ရေအကန့်အသတ်မရှိရရှိနိုင်ခြင်း)
ထိုင်းနိုင်ငံအတွင်းရှိ Mos Burger ဆိုင်များတွင် တစ်လတစ်ကြိမ် တစ်ခုဝယ်လျှင် တစ်ခုအခမဲ့ရရှိနိုင်ခြင်း
24/7 Member Contact Centre (MCC) အဖွဲ့ဝင်များအတွက်ဆက်သွယ်ရန်ဌာနမှ အင်္ဂလိပ်၊ မန်ဒါရင်၊ ဂျပန် နှင့် ကိုရီးယားဘာသာစကားများဖြင့်ဝန်ဆောင်မှုပေးခြင်း (နောင်တွင်အခြားဘာသာစကားများကိုလည်း ထည့်သွင်းဆောင်ရွက်သွားပါမည်။)
အဓိကပက်ကေ့ခ်ျတွင်မပါဝင်သည့် အခြားသောအကျိုးခံစားခွင့်များကိုလည်း အခွင့်ထူးခံရမှတ်များကိုအသုံးပြု၍ လဲလှယ်ရယူနိုင်ပါသည်။

Elite Visa နှင့်ယှဥ်လျှင်အသစ်စက်စက်ထပ်တိုးမှုများ

Elite Superiority Extension သို့မဟုတ် Elite Ultimate Privilege ပက်ကေ့ခ်ျများကိုလျှောက်ထားနိုင်မည့်ရက်ကျော်လွန် နောက်ကျသွားသဖြင့် စိတ်ညစ်နေပါသလား။ စိတ်မညစ်နေပါနှင့်။ DIAMOND စိန်အဆင့်အဖွဲ့ဝင်မှုတွင် ၁၅နှစ်သာပေးထားသော်လည်း များစွာသောထပ်ဆောင်းအကျိုးခံစားခွင့်များနှင့် ဝန်ဆောင်မှုများကို ထပ်ဖြည့်ထားသဖြင့် ပေးရသောငွေနှင့်ထိုက်တန်သော ရင်းနှီးမြုပ်နှံမှုဖြစ်စေမှာပါ။ Elite Visa နှင့်ယှဉ်လျှင် အဖွဲ့ဝင်များအတွက် အသစ်ပေါင်းထည့်ထားသောအကျိုးခံစားခွင့်များစွာကို Thailand Privilege အစီအစဉ်မှာသာရရှိနိုင်မည်ဖြစ်ပါသည်။အထူးသဖြင့် အကောင်းဆုံးသောဗီဇာ အဖွဲ့ဝင်ပက်ကေ့ခ်ျများကိုရှာဖွေနေပါက ဤအဖွဲ့ဝင်မှုအမျိုးအစားကိုရှိထားခြင်းသည် အသစ်ပေါင်းထည့်မှုများနှင့်အတူအမျိုးမျိုးသောအကျိုးခံစားမှုများရရှိနိုင်ပါမည်။ ဥပမာအားဖြင့် သင်သည် ထိုင်းနိုင်ငံတွင်အခြေချနေထိုင်ရန်စိတ်ဝင်စားနေသော နိုင်ငံခြားသား သို့မဟုတ် အငြိမ်းစားယူထားသူဖြစ်ပါက စိန်အဆင့်အဖွဲ့ဝင်မှုဖြင့် သင့်ငွေကိုရင်းနှီးမြှုပ်နှံဖို့ရာ အကောင်းဆုံးဖြစ်ပါသည်။

အခွင့်ထူးခံရမှတ်စနစ်

စနစ်အသစ်တွင် အဖွဲ့ဝင်တစ်ဦးသည် ၎င်း၏အခွင့်ထူးခံရမှတ်များကို အသုံးပြု၍ အလိုရှိသောအကျိုးခံစားခွင့်များကိုရွေးချယ်ရယူနိုင်သဖြင့် ၎င်းတို့သည် ဆုံးဖြတ်ပိုင်ခွင့်အာဏာပိုရရှိသည့်သဘောဖြစ်ပါသည်။
ယခင် Thailand Elite အဖွဲ့ဝင်များနှင့်မတူဘဲ Thailand Privilege အဖွဲ့ဝင်များအတွက် ၎င်းတို့ရယူလိုသောအကျိုးခံစားခွင့်များကို ကန့်သတ်ထားခြင်းမရှိပါ။ ပေးထားသောအခွင့်ထူးခံစားခွင့်များကို အဖွဲ့ဝင်များ၏ ရမှတ်များဖြင့်လဲလှယ်ရယူနိုင်ပါသည်။
DIAMOND စိန်အဆင့်အဖွဲ့ဝင်များသည် နှစ်စဉ်ရမှတ် (၅၅)မှတ် ရရှိပါမည်။
နှစ်တိုင်းလည်း အခွင့်ထူးရမှတ်များကိုပြန်ဖြည့်ပေးမည်။ အကျိုးခံစားခွင့်တစ်ခုအတွက် မှားယွင်းစွာ အမှတ်သုံးမိသည်ဟုထင်ပါက ထိုနှစ်ကုန်ဆုံးချိန်တွင် ရမှတ်ပေါင်း (၅၅)မှတ်စလုံးကို ပြန်ရရှိမည်ဖြစ်ပါသည်။

Elite Ultimate Privilege အဖွဲ့ဝင်မှုအဟောင်းတွင်မပါသော အသစ်ထပ်ဖြည့်ထားသည့်အကျိုးခံစားမှုများ

ထပ်တိုးပါဝင်သောအကျိုးခံစားမှုများ ။။ ယခင် Thailand Elite အဖွဲ့ဝင်မှုအမျိုးအစားဟောင်းတွင်မပါသော အဖွဲ့ဝင်ပက်ကေ့ခ်ျများဖြစ်ကြသည့် ငွေကြေးဆိုင်ရာအကြံပေးအစီအစဉ်များ၊ မွေးနေ့လက်ဆောင်များ နှင့် အလုပ်လုပ်ရန်နေရာများ စသည့်အထူးခွင့်အရေးများကို အဖွဲ့ဝင်များက စိတ်တိုင်းကျခံစားနိုင်ပါမည်။
ကျန်းမာရေးဝန်ဆောင်မှု ။။ အထူးအာမခံအတွက်ပက်ကေ့ခ်ျများနှင့် ရက်ပေါင်း ၃၆၅ရက်အတွင်း ယာဉ်မတော်တဆမှုအတွက် သီးသန့်အသက်အာမခံဝန်ဆောင်မှု စသည့် အသစ်ထပ်တိုးထားသောကျန်းမာရေးဝန်ဆောင်မှုပက်ကေ့ခ်ျများစွာကို ရယူခံစားနိုင်ပါမည်။
ဟိုတယ်တွင်အခမဲ့တည်းခိုခြင်း ။။ Anantara Vacation Club ဟိုတယ်များတွင် ကောင်းမွန်ထိုက်တန်စွာ အနားယူနိုင်ပြီး၊ ၎င်းတို့၏ဝန်ဆောင်မှုများကိုရရှိခံစားနိုင်ပါမည်။
ဖျော်ဖြေရေး ။။ အခမဲ့ရုပ်ရှင်ရုံလက်မှတ်များ နှင့် VIP ထိုင်ခုံများ၊ စင်တင်ဖျော်ဖြေပွဲများတွင် အစောဆုံးဝယ်ယူရသည့်လက်မှတ်များ နှင့် အထူးအခန်းအနားအစီအစဉ်များသို့တက်ရောက်ခွင့် စသည်တို့ကိုရရှိနိုင်ပါမည်။
အထူးလျှော့ဈေးများ ။။ စားသောက်ဆိုင်များနှင့်စျေးဝယ်စင်တာများတွင်ကုန်ကျမှုနည်းစေရန် မေတ္တာလက်ဆောင်လျှော့ဈေးများလည်းရရှိနိုင်ပါမည်။

ပိုမိုလွယ်ကူသော လျှောက်ထားမှုနှင့်လဝကလုပ်ငန်းစဉ်များ

ED ဗီဇာကိုင်ဆောင်ထားသူများအတွက် ။။ ED ဗီဇာကိုင်ဆောင်ထားသူများအနေဖြင့် လဝကနှင့် ၎င်းတို့၏ပညာရေးဆိုင်ရာအဖွဲ့အစည်းများမှ ရရှိထားသောဗီဇာသည်အစစ်အမှန်ဖြစ်နေသရွေ့ Thailand Privilege အဖွဲ့အဝင်ဖြစ်ရန် အရည်အချင်းပြည့်မီပါသည်။
တရုတ်နိုင်ငံသားများအတွက် ။။ တရုတ်နိုင်ငံမှလာရောက်သူများသည် Interpol သို့အစီရင်ခံခြင်း နှင့် နောက်ခံရာဇဝင်စစ်ဆေးခြင်းများပြုလုပ်ရန်မလိုတော့‌သဖြင့် လုပ်ငန်းစဉ်များပို၍မြန်ဆန်စွာပြီးမြောက်နိုင်ကြောင်း ဝမ်းသာစရာသိရပါသည်။
ယေဘုယျအားဖြင့် လျှောက်ထားသူများအတွက် ။။ လျှောက်ထားသူအသစ်များသည်လည်း Thailand Privilege အဖွဲ့ဝင်မှုအတွက်လျောက်ထားရာတွင် Thailand Elite Visas များထက် ပို၍မြန်ဆန်လွယ်ကူကြောင်းတွေ့ရှိရပါသည်။

Elite Ultimate Privilege အဖွဲ့ဝင်မှုကို နောက်ထပ်အဆင့်တိုးမြင့်နိုင်ခြင်း

Elite Ultimate Privilege အဖွဲ့ဝင်မှုရရှိထားသူများသည် DIAMOND စိန်အဆင့်အဖွဲ့ဝင်မှုပက်ကေ့ခ်ျသို့ အဆင့်တိုးမြှင့်နိုင်ကြောင်းဝမ်းသာစရာသိရှိရပါသည်။

အဆင့်တိုးမြှင့်ခ ။။ ထိုင်းဘတ်ငွေ ၁၀၀၀၀၀ (အမေရိကန်ဒေါ်လာ ၂၇၆၀ နီးပါး)
နှစ်စဉ်ကြေး ။။ ထိုင်းဘတ်ငွေ ၅၀၀၀၀ (အမေရိကန်ဒေါ်လာ ၁၃၈၀ နီးပါး)
သက်တမ်း ။။ မိမိ၏ Elite Ultimate Privilege အဖွဲ့ဝင်မှု လက်ကျန်သက်တမ်းကာလအပေါ်တွင်မူတည်သည်။

မှတ်သားရန် ။။ ယခင် Elite Visa အဟောင်းများမှ Thailand Privilege အဖွဲ့ဝင်မှုပက်ကေ့ခ်ျအသစ်များသို့ အဆင့်တိုးမြှင့်ခြင်းဝန်ဆောင်မှုများသည် ၂၀၂၄ခုနှစ် ဇန်နဝါရီလတွင် စတင်ပါမည်။

စိန်အဆင့်အဖွဲ့ဝင်ပက်ကေ့ခ်ျလျှောက်နည်း

လိုအပ်သောစာရွက်စာတမ်းများ

ပလက်တီနမ်အဆင့်အဖွဲ့ဝင်မှုလျှောက်လွှာကိုဖြည့်ပြီးလက်မှတ်ထိုးပါ။
Personal Data Protection Act ဖောင် (PDPA) တွင်လက်မှတ်ထိုးပါ။
လျောက်ထားသူ၏ နိုင်ငံကူးလက်မှတ် (မိတ္တူကို ကာလာဖြင့် မိမိ၏လက်မှတ်ပေါ်လွင်အောင်ကူးပေးရပါမည်)။
လျှောက်ထားသူ၏ဓာတ်ပုံ (နိုင်ငံကူးလက်မှတ်ရှိဓါတ်ပုံအရွယ်အစားဖြစ်ပြီး ကာလာဓာတ်ပုံကိုအဖြူရောင်နောက်ခံဖြင့်ရိုက်ကူးရပါမည်)။
နောက်ဆက်တွဲ စာရွက်စာတမ်းများ (ပုံမှန်အားဖြင့် မိသားစုဝင်တစ်ဦးကို အဖွဲ့ဝင်အဖြစ်ထည့်မည်ဆိုပါက တောင်းဆိုလာမှသာတင်ပြရပါမည်)။

လျှောက်ထားမှုလုပ်ငန်းစဉ်

လျှောက်လွှာဖြည့်ပြီးလျှင်စာ ရွက်စာတမ်းအားလုံးကို Siam Legal သို့ပို့ပေးပါ။ လိုအပ်သောစာရွက်စာတမ်းများကို အီးမေးလ်၊ WhatsApp၊ Line သို့မဟုတ် စာတိုက်မှတဆင့်လည်းပေးပို့နိုင်ပါသည်။
ထိုင်းလဝကအရာရှိများမှစီစစ်မည့်နောက်ခံရာဇဝင်စစ်ဆေးမှုကိုပြီးမြောက်အောင်ဆောင်ရွက်ပါ။
ခွင့်ပြုကြောင်းပေးစာနှင့်ငွေရပြေစာတို့ကိုရရှိသည်အထိစောင့်ပေးပါ။
Thailand Privilege Card (TPC) သို့ အဖွဲ့ဝင်ကြေးများပေးဆောင်ပါ။
ကြိုဆိုကြောင်းပေးစာနှင့်အဖွဲ့ဝင်၏ ID ရရှိသည့်အချိန်အထိစောင့်ပေးပါ။ အဖွဲ့ဝင်များသည် အဖွဲ့ဝင်ကတ်ပြားရရှိလိုပါက မိမိတို့ဆန္ဒအလျောက်ရွေးချယ်ခွင့်ရှိပါသည်။
မိမိ၏ Thai Elite Visaကို ခရီးသွားစာရွက်စာတမ်းများတွင်ကပ်ပေးပါ။

အချိန်ဇယားနှင့်ကြာမြင့်ချိန်

စုစုပေါင်း ။။ (၁) လမှ (၃)လအထိ (လျှောက်ထားသူ၏နိုင်ငံသားဖြစ်မှုအပေါ်မူတည်၍)
နောက်ခံရာဇဝင်စစ်ဆေးမှုများ ။။ (၄)ပတ်မှ (၆)ပတ် အတွင်း
ငွေရရှိကြောင်းအတည်ပြုခြင်း ။။ (၁)ပတ်၊ (၂)ပတ် အတွင်း
ကြိုဆိုကြောင်းပေးစာနှင့် အဖွဲ့ဝင်၏ ID လက်ခံရရှိခြင်း ။။ ငွေပေးချေပြီးသည်မှ (၅)ရက်၊ (၁၀)ရက်အတွင်းဆောင်ရွက်ပေးခြင်း
မှတ်သားရန် ။။ Thailand Privilege မှဆောင်ရွက်ပေးသည့် လျှောက်ထားမှုလုပ်ငန်းစဉ်သည် ယခင်ထက် ပို၍လျင်မြန်သည်ဟု ၎င်းကဆိုပါသည်။

သိလိုသူအများဆုံးမေးခွန်းများ

ဤအဖွဲ့ဝင်မှုကို မိသားစုဝင်များပါလျှောက်လို့ရပါသလား။

‌ဟုတ်ကဲ့ ရပါတယ်။ လျှောက်ထားသူတစ်ဦးက သူ့ရဲ့မိသားစုဝင်တစ်ဦးကိုလည်း ထပ်တူညီသောအဖွဲ့ဝင်အစီအစဉ်သို့ပေါင်းထည့်ပေးနိုင်ပါတယ်။ မူလလျှောက်ထားသူက ထိုင်းဘတ်ငွေ ၂၅သိန်းကိုအပြည့်အဝပေးချေပြီး နောက်ထပ်မိသားစုဝင်များကိုလည်း တစ်ဦးလျှင် ထိုင်းဘတ်ငွေ ၁၅သိန်းဖြင့်အဖွဲ့ဝင်အဖြစ်ပေါင်းထည့်နိုင်ပါသည်။

ဤအဖွဲ့ဝင်မှုအတွက် အထူးသီးသန့်အကျိုးခံစားခွင့်များ ပါဝင်ပါသလား။

စိန်အဆင့်အဖွဲ့ဝင်မှု DIAMOND တွင် အခွင့်ထူးခံရမှတ် ၅၅မှတ်ကိုအသုံးပြုပြီး ဘန်ကောက်လေကြောင်းလိုင်းများဖြင့် ပြည်တွင်းလေကြောင်းခရီးစဉ်များကို အခမဲ့သွားလာခွင့်ရရှိသောကြောင့် သင့်အတွက် အစစအရာရာအဆင်ပြေစေမှာဖြစ်ပါတယ်။

စိန်အဆင့်အဖွဲ့ဝင်မှု DIAMOND Membershipဖြင့် ဘဏ်အကောင့်အတွက်အကူအညီ၊ ယာဉ်မောင်းလိုင်စင်အတွက်အကူအညီ နှင့် ရက်(၉၀)အစီရင်ခံခြင်းတို့ကိုအခမဲ့ရရှိနိုင်ပါသလား။

ဟုတ်ကဲ့ ရပါတယ်။ ဒါပေမယ့် တစ်ခုရှိတာက ဤအခွင့်ထူးများကို Thailand Privilege Visa ရဲ့ DIAMOND ပက်ကေ့ခ်ျအတိုင်း စိန်အဆင့်အဖွဲ့ဝင်များအတွက်အခမဲ့ပေးထားပေမယ့် အကျိုးခံစားခွင့်များကိုရယူအသုံးပြုနိုင်ဖို့အတွက် အခွင့်ထူးခံရမှတ်များကိုသုံးပေးဖို့တော့လိုပါမယ်။ ဥပမာ ထိုင်းနိုင်ငံအတွင်းတစ်နှစ်ပတ်လုံးနေထိုင်ချင်ရင် ထိုနှစ်အတွင်းမှာပဲ ရက်၉၀အစီရင်ခံခြင်းဝန်ဆောင်မှုကို (၄)ကြိမ် လဲလှယ်ယူရပါမယ်။

Thai Elite Visa ကိုင်ဆောင်သူအနေနဲ့ DIAMOND Membership သို့အဆင့်မြှင့်တင်လို့ရပါသလား။

ဟုတ်ပါသည်၊ ယခင် Elite Easy Access၊ Elite Family Alternative၊ Elite Privilege Access၊ Elite Superiority Extension နှင့် Elite Ultimate Privilege ကိုင်ဆောင်ထားသူများကို ၎င်းတို့၏အဖွဲ့ဝင်ဟောင်းမှ Thailand Privilege အဖွဲ့ဝင်အသစ်သို့ အဆင့်မြှင့်တင်ရန် ခွင့်ပြုထားသည်။ လျှောက်ထားသူများသည် ထိုင်းဘတ်ငွေ ၁၀၀၀၀၀ ပေးဆောင်နိုင်သည်။ ပင်မကတ်အတွက် နောက်ထပ်နှစ်စဉ်ကြေးများလည်း လိုအပ်သည်-

Elite Easy Access မှ DIAMOND (ပင်မကတ်) – နှစ်စဉ် ထိုင်းဘတ်ငွေ ၁၂၅၀၀၀
Elite Privilege Access မှ DIAMOND (primary card): –
Elite Family Alternative မှ DIAMOND (primary card): –
Elite Superiority Extension မှ DIAMOND (primary card): နှစ်စဉ် ထိုင်းဘတ်ငွေ ၁၀၀၀၀၀
Elite Ultimate Privilege မှ DIAMOND (primary card): နှစ်စဉ် ထိုင်းဘတ်ငွေ ၅၀၀၀၀

တစ်သက်တာအဖွဲ့ဝင်များသည် Thailand Privilege DIAMOND အဖွဲ့ဝင်အဖြစ်သို့ပြောင်းရန်အခွင့်အရေးရရှိမည်ဖြစ်ပြီး (၁၅) နှစ်သက်တမ်းနှင့် အခွင့်ထူးခံရမှတ် (၅၅) မှတ်ရရှိမည်ဖြစ်သည်။ ၎င်းအပြင်၊ တစ်သက်တာအဖွဲ့ဝင်များသည် အဆင့်မြှင့်တင်မှုအခကြေးငွေများ သို့မဟုတ် ပင်မကတ်အတွက် နောက်ထပ်နှစ်စဉ်ကြေးများကို ပေးဆောင်ရန်မလိုဘဲ ပြောင်းလဲမှုကို ပြုလုပ်နိုင်သည်။

DIAMOND Membership စိန်အဆင့်အဖွဲ့ဝင်မှုကိုလွှဲပြောင်းပေးလို့ရနိုင်ပါသလား။

ဟုတ်ကဲ့ ရပါတယ်။ မိသားစုဝင်များနှင့်သူငယ်ချင်းမိတ်ဆွေများသည်လည်း ထပ်တိုးအဖွဲ့ဝင်အဖြစ် DIAMOND Membership ရဲ့ မူလအဖွဲ့ဝင်ကတ်ကိုင်ဆောင်ထားသူနဲ့ထပ်တူ အကျိုးခံစားခွင့်များကိုမျှဝေရယူနိုင်ပါတယ်။

Siam Legal ကိုဘာကြောင့်ရွေးချယ်တာလဲ။

လျှောက်ထားမှုလုပ်ငန်းစဉ်အဆင်ပြေချောမွေ့နိုင်စေရန်အလို့ငှာ လျှောက်ထားလိုသူများသည် ထိုင်းနိုင်ငံ၏ပြည်တွင်း၌ဖြစ်စေ ပြည်ပ၌ဖြစ်စေ General Sales and Services Agent (GSSA)၏ဝန်ဆောင်မှုကိုရယူနိုင်ပါသည်။ ဤနည်းအားဖြင့် အဖွဲ့ဝင်မှုပက်ကေ့ခ်ျများနှင့်ပတ်သက်သော လျှောက်ထားသူတို့၏စိုးရိမ်မှုများအတွက်အကူအညီဖြစ်စေသလို လျှောက်ထားမှုလုပ်ငန်းစဉ်တစ်လျှောက်မှာလည်း လမ်းညွှန်ကူညီပေးနိုင်ပါမည်။ GSSA အဖွဲ့တခုမှတစ်ဆင့် ‌လျှောက်ထားခြင်းသည် အောင်မြင်မှုရရှိနှုန်း ပို၍များနိုင်ကြောင်းအာမခံပါသည်။ Siam Legal သည်လည်း ထိုကဲ့သို့သော GSSA တစ်ခုဖြစ်သည်နှင့်အညီ ၎င်း၏ကျွမ်းကျင်သူများအဖွဲ့သည် Thailand Privilege နှင့်ပတ်သက်ရ၍ ကောင်းစွာသိနားလည်ကြသူများဖြစ်ပြီး လျှောက်ထားသူများကို အောင်မြင်စွာဖြင့်အဖွဲ့ဝင်မှုရရှိနိုင်အောင်ဆောင်ရွက်ပေးလျက်ရှိပါသည်။ လျှောက်ထားမှုလုပ်ငန်းစဉ်တစ်ခုလုံးနှင့် အကြံဉာဏ်တောင်းယူခြင်းကိစ္စများကို အွန်လိုင်းမှဆောင်ရွက်ခြင်းဖြစ်သည့်အတွက် ထိုင်းနိုင်ငံရှိ Siam Legal သို့အရောက်လာပြီးအကူအညီရယူရန် လက်မှတ်ကြိုတင်စီစဉ်ထားဖို့ထားမလိုအပ်ပါ။

Siam Legal မှတဆင့်လျှောက်ထားခြင်း၏အကျိုးကျေးဇူးများ –

ဥပဒေရေးရာကိစ္စများနှင့်ပတ်သက်၍ တစ်ကြိမ်အခမဲ့အကြံဉာဏ်ရယူနိုင်ခြင်း (၁ နာရီ)
လဝကရေးရာကိစ္စများနှင့်ပတ်သက်၍တစ်ကြိမ်အခမဲ့အကြံဉာဏ်ရယူနိုင်ခြင်း (၂နာရီ)
နိုတြီဝန်ဆောင်မှုအခမဲ့တစ်ကြိမ်ရယူနိုင်ခြင်း
ထိုင်းဘဏ်အကောင့်ဖွင့်ခြင်းအတွက်အခမဲ့အကူအညီရယူနိုင်ခြင်း
ဥပဒေရေး‌ရာနှင့် လဝကရေးရာ ကိစ္စများအတွက် အထောက်အကူဖြစ်စေရန် VIP ဖုန်းနံပါတ်များထားရှိပေးခြင်း
ပတ်ကေ့ခ်ျတန်ဖိုးမှလွဲ၍ အခြားအခကြေးငွေထပ်ပေးစရာမလိုခြင်း